Møguligt endurgjaldskrav

Tað hevur verið nógv politiksk rok um staðsetingina av nýggju kirkjuni á Argjum.

Verður kirkjan ikki bygd á ætlaða staðnum við Sandá, so má býráðið rinda fyri allar meirútreiðslur. 

Tað sigur Rúni Hentze, formaður í Kirkjuráðnum á Argjum.

Í morgun samtykti byggi- og býarskipanarnevndin at geva kirkjuráðnum á Argjum byggiloyvi. Men avgerðin er ikki endalig. Málið skal fyri býráðið síðstu í mánaðinum, og tað er ikki víst, at tað verður samtykt tá. Serliga er óvissa um, hvat býráðslimirnir hjá Javnaðarflokkinum fara at atkvøða.


Mótmæli

Áhugafelagið Varðveitið Fríøkið við Sandá mótmælir ætlanina at byggja kirkju við Sandá.

- Vit mæla til at kirkjan verður staðsett á einum staði, sigur Urd Johannesen, nevndarlimur í áhugafelagnum Varðveitið fríøkið við Sandá

Málið um nýggja kirkju við Sandá á Argjum byrjaði í 2006. Í 2008 mælti býráðið til, at staðseta kirkjuna við Sandá.

Tað hevur verið ein drúgv tilgongd hjá kirkjuráðnum at koma har til, sum komið er til í dag, og nú manglar bara at fáa endaligt byggiloyvi.