Á Breddanum: Forfólkaval í Pedagogfelagnum

Hvør skal standa á odda fyri Føroya Pedagogfelag?

Tann spurningin skulu teir 2.000 limir felagsins taka støðu til næstu vikurnar.

Sitandi formaður, Jógvan Philbrow, stillar uppaftur, men hesa ferð er eitt mótvalevni, Sanna á Løgmansbø. 

Men hví stilla tey upp, og hvørjum vilja tey arbeiða fyri?

Jógvan Philbrow og Sanna á Løgmansbø vera í útvarpsstovuni.

Gasa

Meir enn helmingurin av teimum tveimum milliónum íbúgvunum í Gasageiranum er í løtuni stúgvaður saman í býnum Rafah, meðan Ísrael sigur seg fyrireika innrás í býin.

Tað skortar ikki við ávaringum um at geva sivilfólkunum meira ans, men hvussu er støðan, og eru nøkur útlit fyri vápnahvíld?

Vit frætta tað nýggjasta úr Ísrael.

Breddin í útvarpinum klokkan 10.