Aðalorðaskifti um fólkaskúlan í dag

Klokkan 11 fyrrapartin fer løgtingið at hava aðalorðaskifti um fólkaskúlan.

Aðalorðaskiftið byggir á eitt tilmæli frá arbeiðsbólki, sum í mai mánaði í fjør handaði Djóna Nolsøe Joensen, landsstýrismanni, uppskot um eina røð av broytingum í fólkaskúlanum.

Tilsamans 18 tilmæli eru í fólkaskúlaálitinum. Av teimum tekur landsstýrismaðurin í skúlamálum fýra tilmæli burturúr, sum hann heldur at neyðugt er at arbeiða við skjótast gjørligt. 

Tað fyrsta er floksstøddin.

Í dag eru skúlaflokkar við upp í 26 næmingar - markið eigur at vera sett niður á 20 næmingar, heldur landsstýrismaðurin.

Djóni Nolsøe Joensen, PISA-kanningin 2022, 16:9

Djóni Nolsøe Joensen er landsstýrismaður í barna- og útbúgvingarmálum. (Savnsmynd: Bjarni Àrting Rubeksen)

Flokslærarar og eftirútbúgving

Umstøðurnar hjá flokslæraranum skulu gerast betri. Sum tað triðja vil landsstýrismaðurin víðka tvílæraraskipanina, sum í dag einans fevnir um 1. og 2. flokk.

Og sum tað fjórða vil landsstýrismaðurin tryggja nøktandi eftirútbúgving til tey, sum arbeiða í fólkaskúlanum.

Í fólkaskúlaálitinum verður mælt til at seta tey 18 tilmælini í verk, frá 2023 til 2033.

Samlaði kostnaðurin verður, sambært álitinum, umleið 78 milliónir krónur.