IMF letur Ukraina 107 milliardir krónur

Altjóða gjaldoyragrunnurin IMF hevur góðkent, at 880 milliónir dollarar -  tað svarar til góðar seks milliardir krónur - kunnu flytast Ukraina.

Hetta er triðja upphæddin í einum hjálparpakka, sum er 15,6 milliardir dollarar - góðar 107 milliardir krónur -  sum var góðkendur í fjør.

IMF góðkendi triðja hjálparpakkan í gjár, eftir at hava fingið vissu fyri at Ukraina lýkur krøvini, sum vóru fyri hjálparpakkan.

Stýrið í IMF skal kortini formliga góðkenna seinastu útgjaldingina, áðrenn hon verður avgreidd.

Í ár hevur Ukraina brúk fyri 486 milliónum dollarum, - meira enn 3,3 milliardir krónum - til endurreising, vísir meting hjá IMF-toyminum, sum fyri stuttum hitti ukrainsk embætisfólk í Varsjava í Póllandi.