Milliónir av demokratum og republikanarum á val

Amerikanarar kalla valdagin "Super Tuesday", har undanval er í 15 statum.

Í demokratiska flokkinum er Joe Biden, forseti, stórfavorittur at vinna. 

Í republikanska flokkinum vónar Donald Trump at gera slætt borð og fáa avbjóðaran Nikki Haley at gevast við royndini at gerast valevni hjá republikanarunum.

Tað skrivar danska Tv2.

Val er í Alabama, Arkansas, California, Colorado, Maine, Massachusetts, Minnesota, North Carolina, Oklahoma, Tennesse, Texas Utah, Vermont, Virgina og Alaska.

Fyri republikanararnar eru statirnir við nógvum valfólki áhugaverdir. Í California eru 169 valfólk, og í Texas eru tað 161. Tað er næstan helvtin av øllum valfólkunum.

Tað eru valfólkini, sum tilnevna forsetavelevni floksins.

Trump hevur higartil vunnið 247 valfólk, sum svarar til 64 prosent, ímeðan Nikki Haley hevur 43, sum svarar til 31,7 prosent. 

Hetta er úrslitið áðrenn "Super Tuesday"

Joe Biden hevur higartil vunnið 449 valfólk, sum svarar til 81,9 prosent av demokratisku valfólkunum.

Valevnið, sum vinnur flest valfólk á "Super Tuesday", verður oftast forsetavalevni floksins.