Ísrael lopið á sjúkrahús í Gasa

Ísraelski herurin leyp í nátt á Al Shifa-sjúkrahúsið, sum er størsta sjúkrahús í Gasa-geiranum.

Ísraelskir myndugleikar siga orsøkina til álopið vera, at Hamas-leiðarar krógva seg á sjúkrahúsinum.

Sambært heilsumyndugleikunum í Gasa, hava fleiri latið lív, og fleiri eru eisini særd.

Ísrael hevur ikki gjørt viðmerkingar til útsøgnina hjá heilsumyndugleikunum í Gasa enn, men hevur váttað, at skot hava verið latin av inni á sjúkrahúsøkinum, skrivar ísraelski miðilin, The Times of Israel, sambært TV2. 

Daniel Hagari, talsmaður hjá ísraelski herinum, sigur, at virksemið á sjúkrahúsinum kann halda fram, meðan herurin heldur fram við síni atsókn at finna Hamas-leiðararnar.