Fleiri ljósstýringar Norður um fjall

Í sambandi við vegarbeiðið á tunnilsvegnum oman fyri Ánirnar, verður nú farið undir at binda vegirnar saman, og tí er neyðugt við enn eini ferðslustýring, boðar Landsverk frá á heimasíðu sínari.

Ferðslustýringin verður standandi í góðar tríggjar mánaðir, frá týsdegnum 2. apríl til 12. juli 2024.

Árnafjarðartunnilin verður umleið 1900 metrar langur og Hvannasundstunnilin umleið 2200 metrar,

Byggifelagið Articon ger arbeiðið, og arbeitt verður alt samdøgrið.

Sambært verklagslógini kosta tunlarnir Norður um fjall 522 mió.

Hoyrt Mortan Olsen, økisleiðara hjá Landsverki, greiða frá um nýggju ljósstýringina.