Bíbliuháskúli verður av ongum

Tað verður ikki á hesum sinni, at Nesvík verður heimstaður fyri einum bíbliuháskúla. 

Kirkjuliga Heimamissión hevur avgjørt, at sleppa ætlanini at byrja nýggjan háskúla, tí alt ov fáar umsóknir vóru til skúlan. 

- Tað er at harmast um, at okkara ungu ikki síggja tørvin á einum bíbliuskúlaskeiði, sum gevur fordjúpan í Guds orði, bøn og gevur ein góðan felagsskap, sigur Heri Kjærbo, formaður í Kirkjuligu Heimamissiónini, við Trúboðan.

Sambært Trúboðanum er hetta aðru ferð, at roynt hevur verið at byrja háskúlan, men leiðslan hevur nú staðfest, at undirtøkan ikki er fyri honum.