Heldur fram sum formaður í Bakkafrosti

Rúni M. Hansen var afturvaldur til nevndarformann í Bakkafrosti á aðalfundinum í gjár.

Hann hevur verið formaður síðani 2009.

Hini í nevndini eru eisini afturvald.

Tey eru Guðrið Højgaard, Teitur Samuelsen, Annika Frederiksberg, Øystein Sandvik og Einar Wathne.

Og ein nýggjur nevndarlimur var valdur. Hann er Alf-Helge Aarskog úr Noregi.

Yvir 80 prosent á fundi

Eingin annar stillaði upp til nevndarvalið.

Øll í nevndini eru vald fyri eitt ár.

Á aðalfundinum var samtykt uppskot frá nevndini um 8 kr. og 70 oyru í vinningsbýti fyri hvørt partabræv.

Tað gevur góðar 515 mió. kr. í vinningsbýti fyri 2023.

59 milliónir og 227.607 partabrøv eru í Bakkafrosti.

Á aðalfundinum í gjár vóru partaeigarar, sum eiga 81,29 prosent av partabrøvunum.

Rúni M. Hansen, sigur, at fimmáraætlanin, sum var løgd fram í fjør, hevur ein íløgutørv, sum er 6,3 milliardir krónur frá 2024 til 2028.