Nú boða virkini frá landingum

Nú boða virkini frá landingum
Tað loysti seg hjá Fiskiveiðieftirlitinum at hótta við fútanum. Landingar fyri eina hálva milliard krónur eru ikki fráboðaðar
 
07.10.2013 - 11:57

Síðani Fiskiveiðieftirlitið fríggjadagin hótti við fútanum, eru nógvar fráboðanir komnar frá virkjunum, sum keypa fisk. Fráboðanir fyri yvir 500 mió. kr. í avreiðingum vóru ikki komnar, og tað fekk myndugleikarnar at missa tolið.

Fríggjadagin gjørdi Fiskiveiðieftirlitið vart við á sínari heimasíðu, at nú fekk vinnan eina viku at avgreiða fráboðanir um landingar, annars vórðu brotina á kunngerðina latin fútanum.

Skulu boða frá

Sambært kunngerð, sum kom í mai í fjør, skulu virki, sum keypa fisk, boða Fiskiveiðieftirlitinum frá við telduboðum, hvat avreiðingarvirðið er. Tá landað verður uttanlands, skal skipið boða frá. Trygdargrunnur fiskivinnurnar skal brúka tølini, tí hann skal hava eitt prosent av avreiðingarvirðinum.

Hjá Trygdargrunninum verður tó sagt, at har eru tey ikki komin í neyð av vantandi fráboðanunum. Fiskiveiðieftirlitið staðfesti í síðstu viku, at nógvar landingar í 2013 vóru ikki fráboðaðar. Talan var um landingar fyri yvir hálva milliard krónur.

Eingin ávaring

Síðani Fiskimálaráðið gjørdi bart fríggjardagin, eru nógvar landingar og avreiðingar fráboðaðar. Á heimasíðuni ger Fiskiveiðieftirlitið eisini greitt, at í framtíðini verða brotini á kunngerðina frá í fjør uttan ávaring latin fútanum.

Er kopiera
Nýggjastu sendingar í ÚV
Fríggjadag 11. juli
Praktikanturin: Erika Hentze Niclasen
194337
Fríggjadag 11. juli
Radio Stjernekilde II - part 5
194323
Fríggjadag 11. juli
RagnarRokk: Oskar Holldorff um Shards
194118
Fríggjadag 11. juli
Morgunlestur fríggjadagur 11.juli 2025
194083
Nýggjastu sendingar í SV
Fríggjadag 11. juli
Veðrið
194338
Mikudag 9. juli
Dagur og vika - teknmálstulkað
194245
Týsdag 8. juli
Veðrið
194213
Sunnudag 6. juli
Og ein summardag (2:2)
194098