Elveitingarlógin ikki avgreidd - ov fá tingfólk

Elveitingarlógin ikki avgreidd - ov fá tingfólk
Elveitingarlógin varð ikki avgreidd sum ætlað við 2. viðgerð í løgtinginum í gjár, tí ov fá tingfólk vóru til staðar fyri at atkvøðugreiðslan kundi vera
 
18.05.2024 - 11:12

Samgongan var ikki fullmannað, tí Erling Eidesgaard tingmaður fyri Tjóðveldi og Jóhannis Joensen tingmaður fyri Javnaðarflokkin vóru uttanlands og tingmenninir Henrik Old og Bjarni Hammer vóru farnir til Suðuroyar.

Tá samgongan bara hevði 14 tingfólk í salinum, gjørdu tingfólk fyri Fólkaflokkin og Samandsflokkin av, at rýma úr tingsalinum áðrenn avgreiðsluna, og sostatt bar ikki til at avgreiða málið.

Onnur viðgerð er sett á skrá týsdagin.

Stóru andstøðuflokkarnir vístu stóra ónøgd í viðgerðini í gjár. Fyrstur at taka orðið var Helgi Abrahamsen, tingmaður úr Sambandsflokkinum og fyrrverandi landsstýrismaður á økinum.

Í upprunaliga tilmælinum til landsstýrið var eitt sølulið inni í elveitingarlógini. Nýggja lógin skuldi loyva privatum aktørum at selja streym beinleiðis til brúkaran. Hesin parturin bleiv tó tikin burturúr lógaruppskotinum, sum Ingilín Strøm, landsstýriskvinna í umhvørvismálum, legði fyri løgtingið. 

Men søluliðið hevur stóran týdning fyri Framsókn, og tað skal við í nýggju elveitingarlógina, sigur Sólvit Nólsø, tingbólkaformaður hjá flokkinum.

Samgongan er tó enn ikki samd um, hvussu eitt sølulið skal skipast.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442