- Tíðindi, mentan og ítróttur
Kvinnurnar í Havn eisini í verkfall
Kvinnurnar í Havn eisini í verkfall
Á midnátt í annaðkvøld fer Havnar arbeiðskvinnufelag í verkfall
Havnar arbeiðskvinnufelag fer nú eisini í verkfall.
Mynd: © Bjarni Árting Rubeksen
27.05.2024 - 06:38
Á midnátt í annaðkvøld fer Havnar arbeiðskvinnufelag í verkfall.
Semingsmaðurin, Terje Sigurðsson, boðaði í gjárkvøldið Føroya arbeiðsgevarafelag og Havnar arbeiðskvinnufelag frá, at Semingsstovnurin endar semingsroyndina uttan at leggja fram semingsuppskot.
Stutt eftir boðaði Havnar arbeiðskvinnufelag frá arbeiðssteðgi, sum er lýstur at koma í gildi týskvøldið tann 28. mai kl. 00:00, á midnátt náttina millum týsdag og mikudag.
Arbeiðssteðgurin umfatar allar limir í Havnar arbeiðskvinnufelagi, sum eru settir eftir sáttmála millum Føroya arbeiðsgevarafelag og Havnar arbeiðskvinnufelag, har møgulig skrivlig avtala ikki er gjørd um undantak.
Havnar arbeiðskvinnufelag hevur samráðst fyri seg sjálvt, og ikki saman við Føroya arbeiðarafelag, Havnar arbeiðarafelag, Klaksvíkar arbeiðskvinnufelag og Klaksvíkar arbeiðsmannafelag, sum á miðnátt í kvøld hava verið í verkfalli í tvær vikur.
Er kopiera
Nýggjastu sendingar í ÚV
Nýggjastu sendingar í SV
