Løgreglan heldur seg uttanveltaða

Løgreglan leggur dent á at halda seg uttanveltaða, og at tveir partar samskifta um, hvussu sleppast kann víðari. 

Tað sigur Steen Nørskov, sjefpolitiinspektørur, nú verkfall er, og løgreglan stundum verður boðsend.

Hoyr samrøðu, sum Elin Witnher Poulsen gjørdi við hann í útvarpstíðindunum:

Steen Nørskov, sjefpolitiinspektørur,

Steen Nørskov, sjefpolitiinspektørur. (Mynd: Bjarni Árting Rubeksen)

Verkfall og tómar handilshillar

Hóast onkrar matvørur ikki eru at fáa, er ikki matvørutrot, sigur Átaksráðið. (Savnsmynd)

Átaksráðið fylgir gongdini

Átaksráðið hevur viðgjørt støðuna, nú verkfallið gongur á triðju viku.

Ráðið sigur, at sum heild eru ikki stórvegis avbjóðingar. Nóg mikið av brennievni er í landinum í nakrar vikur aftrat, og hóast onkrar matvørur ikki eru at fáa, er ikki matvørutrot.

Trot er heldur ikki á fóðri til neyta-, seyða- og onnur djórahald.

Átaksráðið umrøður støður og evni av stórum samfelagsligum týdningi og viðurskifti, sum kunnu hótta veitingartrygdina til týðandi øki í samfelagnum.

Ráðið hittist eina ferð um vikuna og fylgir gongdini gjølla.

Fastir limir í Átaksráðnum eru Arbeiðs- og Brunaeftirlitið, Vørn/MRCC, Føroya Politi, Arktisk Kommando, Umhvørvisstovan, Kommunufelagið/kommunala tilbúgvingin og Heilsustýrið. Átaksráðið vísir til Kreppuráðið fyri Føroyar.