Skjóta seinasta skotið í dag

Í dag verður seinasta skotið latið av í bergholinum til Fámjins.

Landsverk skipar fyri almennari hátíðarløtu við bergholsmunnan í Fámjin klokkan tvey.

Sigurð Ó. Vang, deildarleiðari á Verkætlanardeildini hjá Landsverki, bjóðar vælkomin og síðani heldur Dennis Holm, landstýrismaður, røðu. 

Eftir hetta fara Jóanis Lisberg, borgarstjóri í Fámjin, og Sigtór A. Petersen, stjóri hjá J&K Petersen, sum ger bergholið, at siga nøkur orð. 

Eftir røðurnar fer Svend Joensen, elsti maður í Fámjin, at trýsta á knøttin fyri at skjóta seinasta skotið. 

Fámjinstunnil, berghol til Fámjins

Fyrsta skotið í bergholinum var latið 16. november í 2022. 

Steingja vegin 

Vegurin millum Ørðavík og Fámjin verður stongdur millum klokkan tvey og trý, og tað ber ikki til at seta bilar fram við landsvegnum

Landsverk heitir tí á fólk um at koyra til Fámjins, haðani bussar koyra fólk niðan til bergholsmunnan frá klokkan eitt korter til tvey og oman aftur í bygdina, eftir at skotið er.

Fyrsta skotið var 16. november í 2022.

Bergholið er 1.200 metrar.