KVF vrakar 5G-netið hjá Føroya Tele á ólavsøku

Fólk hava í fleiri førum undrast yvir, hví sendingarnar hjá KVF frá kappróðrunum í summar hava verið øðrvísi enn tær plaga. Eitt nú hevur KVF ikki brúkt myndir frá sendibátinum, men dúvað uppá dronumyndir. Og so hevur tað hakkað illa í frásøgnin hjá Suna Merkistein í útvarpinum. 

Orsøkin er nýggja 5G-tøknin hjá Føroya Tele, ið tað eru trupulleikar við, staðfestir Dánjal Tavsen, leiðandi framleiðari í Kringvarpi Føroya. 

Trupulleikarnir eru so nógvir, at Kringvarpið ikki fer at brúka 5G-netið, tá sendast skal frá kappróðrinum á ólavsøku.