Eldur í kjarnorkuverki í Ukraina sløktur

Eldurin, sum kyknaði í kjarnorkuverkinum við Zaporizjzja í gjár, er nú sløktur.

Russland hevur hersett økið, har kjarnorkuverkið er.

Russiski ríkisumboðsmaðurin í økinum sigur á Telegram, at eldurin nú so at siga er sløknaður.

Altjóða kjarnorkustovnurin, IAEA, hevur serfrøðingar í økinum. Teir hoyrdu brestir í gjárkvøldið og fingu boð um, at ein drona eftir øllum at døma hevði rakt eitt av teimum báðum kølitornunum á verkinum. Serfrøðingarnir fingu atgongd til kjarnorkuverkið, og staðfestu, at eldurin ikki var ein hóttan móti kjarnorkutrygdini.

Rafael Grossi, aðalskrivari í IAEA, fordømir dronuálopið.

- Tað økir vandan fyri einari kjarnorkuvanlukku, sigur hann, sambært danska kringvarpinum.