Mong vilja geva Saltsøluni nýtt navn

Hóast eingin vinningur verður latin, tí talan er ikki um eina kapping, er ovurhonds stórur áhugi at finna gomlu Saltsøluni í Havn nýtt navn.

Tórshavnar kommuna hevur í fýra dagar fingið 149 uppskot um navn. Saltsølan verður umbygd til vinnuhús hjá sjóvinnu og oljuvinnu, 2600 fermetrar av skrivstovum til 300 fólk.

Tórshavnar havn og vinnan standa fyri arbeiðinum at gera Saltsøluna á Vestaru bryggju til vinnuhús.