Kanna hvaðani ískaldi sjógvurin kemur

Nú verður kannað, hvaðani ísakaldi sjógvurin, sum floymir vestur úr Bankarennuni, stavar.

Tað skrivar Havstovan á heimasíðu síni.

Amerikanska granskingarskipið Neil Armstrong hevur síðstu dagarnar sett níggju havfrøðiligar fortoyningar á botn norður av Íslandsrygginum.

Hetta eru línur, strektar millum tungt søkk á botni, og eitt flot, sum kemur upp á 100 metra dýpi.

Skulu vísa varsemi

Tí hevur Havstovan eisini heitt á skip um at vísa varsemi í økinum, sum er nærindis íslendska markinum.

Vísindalig útgerð hevur so ferðast upp og niður eftir hesum línum tvær ferðir um dagin.

Mátingarnar eru partur av eini stórari verkætlan, nevnd UFO.

Eisini havrannsóknarskipið Jákup Sverri setir eina fortoyning, sum tó verður sett so mikið djúpt, at vandi ikki er fyri samanrenning við trol.