Nýggjur leiðari á Blákrossheiminum

Anna D. Háberg er sett í starv sum leiðari á Blákrossheiminum. 

Tað boðar Blái Krossur Føroya frá á síni heimasíðu.

Anna er 57 ára gomul, býr í Havn og er ættað úr Fuglafirði. Hon er MA í trivnaðar- og tilfeingissálarfrøði, og hevur eisini aðrar leiðsluútbúgvingar. Hon hevur drúgvar leiðsluroyndir frá Varðhaldinum í Mjørkadali, Javna og Føroya Politi.

Anna D. Háberg tekur við leiðarastarvinum 1. oktober.

15 starvsfólk eru knýtt at Blákrossheiminum.