Eldur í Glyvra skúla í morgun

Nakað eftir at skúlagongdin var byrjað í morgun, varnaðust tey í Glyvra skúla, at roykur rak um skúlan.

Orsøkin var, at eldur var á einum vesi í niðastu hæddini – í vestara partinum nær við fimleikahøllina.

Hetta skrivar Runavíkar kommuna á heimasíðuni. 

Skálafjarðar Sløkkilið og løgreglan vóru skjót á staðnum, og eldurin var skjótt sløktur.

Ment nú um skaða

Øll vóru evakuerað úr bygninginum, næmingar og lærarar, og meðan næmingarnir vóru fluttir út í Bylgjuna, hittast lærararnir í gamla býráðssalinum í Saltangará.

Roykurin er farin um tað mesta av skúlanum, og nú verður mett um skaðan, og um nær ið skúlagongdin kann takast uppaftur á Glyvrum.

Skúlin letur frætta frá sær aftur, táið eitthvørt nýtt er í málinum.

Hoyr samrøðu við Duritu P. Joensen, skúlastjóra, í útvarpstíðindunum: