Søkja eftir aðalstjóra til Heilsumálaráðið

Søkja eftir aðalstjóra til Heilsumálaráðið
Bjørgfríð Ludvig hevur síðani 1. januar í ár verið fyribilssettur aðalstjóri
Heilsumálaráðið skal hava nýggjan aðalstjóra.
 
12.09.2024 - 13:08

Søkt verður nú eftir aðalstjóra til Heilsumálaráðið.

Bjørgfríð Ludvig hevur síðani 1. januar í ár verið fyribilssettur aðalstjóri í Heilsumálaráðnum.

Hon tók við, eftir at Aksel V. Johannesen, løgmaður, eftir løgfrøðiliga ráðgeving, gav Turid Arge, aðalstjóra í Heilsumálaráðnum, ætlanarskriv um tænastumannakanning.

Síðst í juni var avgerð tikin um, at Turid Arge fær eina átalu og fer frá sum aðalstjóri í Heilsumálaráðnum. Samstundis verður hon sett í starv sum ráðgevi í Løgmálaráðnum.

Kanningarleiðarin, Jens Nørtved, gjørdi tænastumannakanningina. Í niðurstøðu sínari staðfesti hann, at Turid Arge hevur brotið § 9 stk. 1 í tænastumannalógini við at seta til viks ásetingar í innlitslógini, fyrisitingarlógini og lóg um Løgtingsins umboðsmann.

 

Bjørgfríð Ludvig hevur verið fyribilssettur aðalstjóri síðani á nýggjárinum. (Mynd: Bjarni Árting Rubeksen)

 

Áramálssett starv

Nú verður søkt eftir nýggjum aðalstjóra. 

Starvið er áramálasett í sjey ár við møguleika fyri leingjan í upp til trý ár. 

Aðalstjórastarvið er flokkað í 39. lønarflokki sambært sáttmála millum Tænastumannafelag Landsins og Fíggjarmálaráðið. 

Umframt eina mánaðarliga viðbót upp á 6.380 kr. fyri aðalstjóraleiklutin verður mánaðarlig viðbót veitt upp á 20 prosent av grundlønini fyri áramálssetan.

Eftirlønin er 15 prosent av samlaðu lønini.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Nýggjastu sendingar í SV
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214