90 prosent av børnunum í Gasa eru koppsett fyri polio

Tað gongur væl at koppseta børn í Gasa fyri polio.

90 prosent av øllum børnum undir tíggju ár eru nú koppsett sambært ST, skrivar norska kringvarpið.

Í alt er 640.000 børn í Gasa undir tíggju ár. 

Heimsheilsustovnurin fór at koppseta børn 1. september, tá tað fyri fyrstu ferð í 25 ár aftur vóru staðfestir tilburðir av polio millum børn.

Næsta stigið verður at koppseta børnini eina ferð aftrat.