Sálarfrøðiskipanin riggaði sum heild væl

Skal ein sálarfrøðitænasta sum tann, sum er roynd á Skúlatrøð í Klaksvik, gerast fyri alt landið, kostar hon fýra mió. kr., átta milliónir, skal hon vera fulla tíð.

Royndarskipanin á Skúlatrøð, sum vardi í trý ár, kostaði 800.000 kr.
  
Tað upplysir Djóna Nolsøe Joensen, landsstýrismaður, í svari til Eyðgunn Samuelsen, løgtingskvinnu.

Skipanin er eftirmett. 

Eftirmetingin vísir, at starvsfólk skúlans eru glað fyri skipanina.

Tey halda, at skipanin hevur verið til gagns fyri skúlan og teir næmingar, sum hava brúkt tilboðið.

Skipanin var ætlað næmingum, sum ikki longu eru knýttir at øðrum skipanum, so sum Sernámi, Barnaverndartænastuni ella Barna- og ungdóms psykiatriini. 

Eftirmetingin vísir ikki, at færri næmingar hava brúk fyri tænastum frá Sernámi ella fyri heima- og sjúkraundirvísing. 

Eftirmetingin vísir eisini, at tað merkti royndarskipanin, at hon er ein avbyrgd skipan, sum møguliga ikki á nøktandi hátt hevur samstarv við aðrar skipanir, tó við lutvísum undantaki av samstarvi við heilsufrøðingarnar.

Áðrenn Barna- og Útbúgvingarmálaráðið aftur fer at gera eina tílíka verkætlan, fer ráðið at gera greitt, hvat eftirmetingin skal fevna um, sigur Djóna Nolsøe Joensen.