Bankarnir skulu rinda bústaðargrunnin

Fyrstuferð keyparar kunnu læna fimm prosent til eginfígging til keyp av bústaði,

Tað sigur Bárður á Steig Nielsen, formaður í Sambandsflokkinum.

Tað er trupult hjá fólki at savna sær nóg mikið av eginpeningi, tá fyrstuferð keypandi skulu seta føtur undir egið borð, sigur Sambandsflokkurin, ið hevur nøkur tilmæli um bústaðarpolitisk átøk, hvussu tað skal gerast lættari hjá ung- og barnafamiljum við lág- og miðal inntøku at sleppa inn á bústaðarmarknaðin.

Millum annað mælir Sambandsflokkurin at seta á stovn ein bústaðargrunn við 200 milliónum krónum, har fyrstuferð keyparar kunnu læna fimm prosent til eginfígging av útvegan av bústaði -  tó í mesta lagi upp til 200.000 krónur. 
Tær 200 milliónir krónurnar skulu føroysku bankarnir vera við at fíggja, har bankarnir skulu gjalda 20 milliónir krónur um árið komandi tíggju árini, áðrenn bústaðargrunnurin verður sjálvvirkandi, sambært Bárði á Steig Nielsen, formann í Sambandsflokkinum.

Hoyr innslagið her.
 

Gongur út yvir bankarnar

Søren Bruun, stjóri í Suðuroyar Sparakassa sigur, at hetta fer at ganga út yvir at liva upp til herdu krøvini við ymiskum buffarum til bankarnar. 

Stjórin í Suðuroyar Sparikassa metir, at fer útboðið av bústøðum ikki upp, so fer húsamarknaðurin bara at dýrkast.