Samtykkja í dag at yvirtaka grunn

Í dag fer løgtingið at samtykkja at yvirtaka Íleggingargrunnin.

Uttanlandsnevndin tekur undir við uppskotinum hjá landsstýrinum í áliti sínum.  

Yvirtøkan verður 1. januar 2025.

Síðani miðskeiðis í 70árunum hava føroyingar umsitið Íleggingargrunnin við einum stýri, har landsstýrið tilnevnir formannin ella forkvinnuna og limirnar í stýrinum og ásetir nærri reglur um, hvussu grunnurin skal rekast.

Einki verður sagt um, hvussu pengarnir í grunninum skulu brúkast, tá hann er yvirtikin.

Galdandi lóggáva um grunnin verður verandi í gildi, til føroyskir myndugleikar vilja broyta ella avtaka hana. 

Tað merkir eisini, at verandi stýri verður sitandi.

Ogn grunsins er 653 mió. kr.

Á tingfundinum, sum byrjar kl.11.00, verður eisini aðalorðaskifti um Málráðið.