Erdogan samanber Netanyahu við Hitler

Turkiski forsætisráðharrin, Recep Tayyip Erdogan, samanbar ísrelska forsætisráðharran við Adolf Hitler í røðu síni á aðalfundinum hjá ST í New York í gjár. 

- Eins og Hitler var steðgaður fyri 70 árum síðan, átti Benjamin Netanyahu at verið steðgaður nú, segði Erdogan m.a.

Sambært danska kringvarpinum, er hetta ikki fyrstu ferð, at turkiski forsætisráðharrin hevur gjørt líknandi samanberingar. 

Erdogan legði eisini eftir vesturheiminum og teirra sonevndu virðum, sum hann tók til, fyri ikki at steðga krígnum í Gasa.

- Tey lond, sum virka fyri vápnahvíld, senda samstundis vápn til Ísraels, segði Erdogan. Hann sipaði til USA, og legði afturat, at tey vesturlendsku virðini doyggja í løtuni í krígnum í Gasa.