Flestu kommunur dumpa í býarplanlegging

Fólkini, sum hava svarað stóru kommunukanningini hjá Kringvarpinum, eru ikki vælnøgd við bý - og bygdarplanlegging. Í hesum spurninginum standa allar kommunur seg rættiliga illa. 

Hetta er nakað, sum vit duga alt ov illa, sigur Sámal Matras Kristiansen, sum er samfelagsfrøðingur við sergrein í býarskipan, ið ikki er bilsin av úrslitunum. 

"Er tað nakað, sum stendur veikt í Føroyum, so er tað býarplanlegging - og tað er galdandi fyri flestu kommunur í Føroyum", sigur Sámal Matras Kristiansen. 

Tær kommunurnar, sum liggja niðast í hesum spurninginum, eru Kvívikar, Sunda og Klaksvíkar kommuna. Av 100 stigum, skora tær ávíkavíst 34, 37 og 40 stig. 

Ovaliga liggja Sumbiar, Hvannasunds og Nes kommuna. Av 100 stigum, skora tær ávíkavíst 67, 64 og 61 stig. 

Sum heild er spurningurin um bý- og bygdarplanlegging tann spurningurin, har samlaða stigatalið er lægst - tað er altso her, at ònøgdin er størst.