ST-aðalskrivarin sleppur ikki inn í Ísrael

ST-aðalskrivarin Antonio Guterres sleppur ikki inn í Ísrael. 

Tað boðar ísraelski uttanríkisráðharrin, Israel Katz, frá.

Katz sigur um avgerðina, at Guterres hevur ikki nóg greitt fordømt tungu rakettálopini úr Iran á Ísrael í gjárkvøldið.

Boðini koma samstundis sum Ísrael er í kríggi við Hamas í Gasageiranum, Hezbollah í Libanon og nú eisini Iran.

Ísrael hevur leingi funnist at ST-skipanini, serliga ST-heilsufelagsskapinum fyri palestinsk flóttafólk.