Hans Jákup Langgaard gevst sum stjóri í Posta

Hans Jákup Langgaard hevur sagt seg úr starvi sum stjóri á Posta 1. november.

- Eg havi verið glaður fyri tíðina á Posta, hóast úrslitið fyri 2023 var avbjóðandi. Tað hevur verið ein hendingarík tíð, sum hevur kravt nógvar broytingar fyri at venda gongdini. Vit hava skapt eitt gott grundarlag fyri víðari rakstri, sigur Hans Jákup Langgaard í tíðindaskrivi frá Posta. 

Joen Magnus Rasmussen, nevndarformaður í Posta, sigur, at nú verður farið undir eina tilgongd at seta nýggjan stjóra.

Hans Jákup Langgard hevur verið stjóri á Posta síðan 1. desember 2023, og hann verður tøkur hjá Posta, tað sum er eftir av árinum.

Meira verður at frætta í útvarpstíðindunum klokkan 16, tá samrøða verður við Hans Jákup Langgaard.