Wegovy er ikki ein koddi

Fleiri føroyingar, ið viga ov nógv, brúka Wegovy ella Ozempic til at klænka.

Hetta er tó ikki nóg mikið í sjálvum sær, leggur Amalia Danielsen, kommunulækni, dent á. Venjing og rættur kostur krevst eisini, um tað góða úrslitið skal røkkast.

Um mánaðarskiftið apríl - mai í ár brúktu 2,8 prosent av fólkinum í Føroyum yvir 18 ár antin Ozempic eller Wegovy, stendur í frágreiðingini frá Landslæknanum.

Tíðliga í summar vísti frágreiðing frá Heilsustýrinum, at 66 prosent av føroyingum eru ov feitir.

Sambært hesum tølum eru Føroyar á einum 4. plássi, tá tað snýr seg um lond og yvirvekt.