Á Breddanum: Stríðið millum Ísrael og Hamas

Á Breddanum: Stríðið millum Ísrael og Hamas
Ber til at steðga stríðnum, sum hevur breitt seg til fleiri lond í Miðeystri, verður spurt í sendingini í dag
Hans Andrias Sølvará, søgufrøðingur, og Hanus Kamban, rithøvundur, vera í Breddanum fyrrapartin.
 
15.10.2024 - 09:00

Meira enn eitt ár er liðið síðani ógvusliga álopið á Ísrael, har Hamas drap umleið 1200 fólk og tók 250 ísraelar gíslar.

Sum kunnugt svaraði Ísrael alt fyri eitt aftur, og síðani er stríðið bara harðnað, og hevur breitt seg til fleiri lond í Miðeystri.

Í minsta lagi 3.000 ísraelar eru deyðir, 1200 sivilfólk og umleið 800 hermenn, og enn eru 115 fólk ikki komin afturíaftur, eftir at tey vóru tikin gíslar og flutt til Gasa 7. oktober í fjør.

Á hinari síðuni verður talið hildið at vera farið upp um tey 40.000 - tveir triðingar eru kvinnur og børn.

Ber til at steðga stríðnum, sum tykist breiða seg og mennast í hvørjum? Hvat vera langtíðar avleiðingarnar av stríðnum, sum hevur vart í eitt ár, og hvørji útlit eru til, at knúturin í Miðeystri loysnar, og ein langtíðar loysn fæst í lag.

Tað eru stórir spurningar, sum ikki eru lættir at svara, men í Breddanum í dag fara Hans Andrias Sølvará, søgufrøðingur, og Hanus Kamban, rithøvundur, at umrøða millum annað hetta.

 

Er kopiera
Nýggjastu sendingar í ÚV
Mikudag 19. februar
RagnarRokk. Chris Harms um 1980
188003
Mikudag 19. februar
Góðan morgun Føroyar
187986
Mikudag 19. februar
Morgunlestur mikudagur 19.februar 2025
186672
Týsdag 18. februar
Samværi 061 - Hvat er aktuelt at spæla?
187907
Nýggjastu sendingar í SV
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825