Frelsunarherurin fyllir 100 ár

Frelsunarherurin í Føroyum fyllir 100 ár í morgin. 

Tað var 23. oktober 1924, at Frelsunarherurin byrjaði sítt virksemi í Føroyum.

Í tí sambandi skipar Frelsunarherurin fyri stórum hátíðarhaldi gjøgnum vikuna.

Í morgin, á sjálvum føðingardegnum, verður Frelsunarherurin í gongugøtuni í Havn millum kl. 13 og 16, har høvið verður at hitta fólk til eitt prát, fáa nýbakaðar vaflur og ein kaffimunn, og lurta eftir horntónleiki.  

Í sambandi við 100 ára stovningardagin verður nýggj sangbók givin út. Talan er um bók við 660 sangum við føroyskum teksti, nótum og akkordum. Sangbókin verður løgd fram fríggjadagin, skrivar Frelsunarherurin.