- Tíðindi, mentan og ítróttur
Villy Søvndal leggur frá sær sum SF-formaður
<div>Danski uttanríkisráðharrin, Villy Søvndal, leggur frá sær sum formaður í Sosialistiska fólkflokkinum, SF. </div><div><br></div><div>Hetta kunnger Villy Søvndal í tíðindaskrivi í morgun. </div><div><br></div><div>- Tíðin er búgvin at lata onkran annan koma framat. Eg havi verið glaður fyri at standa á odda fyri SF í nøkur sera áhugaverd og spennandi ár í donskum politikki. Longu fyri valið gjørdi eg av, at eg ikki skuldi standa á odda fyri flokkinum við næsta val - spurningurin var einans, nær rætta løtan var at fara frá sum formaður, sigur Villy Søvndal í tíðindaskrivinum. </div><div><br></div><div>Og tann løtan er nú, heldur Villy Søvndal, tí so fær nýggi formaðurin góða tíð at seta seg væl til rættis í formanssessinum fyri næsta val. </div><div><br></div><div><b>Gjørdist formaður í 2005</b></div><div><br></div><div>Villy Søvndal gjørdist formaður í SF í apríl 2005. Hann hevur tryggjað flokkinum stóra veljaratilgongd, sum stundum hevur verið 20 prosent í veljarakanningum. Framgongdin er nevnd "Villy-árinið".</div><div><br></div><div>Men seinastu tíðina hevur mikið innanhýsis stríð verið í SF um politisku kósina, og tað sæst nú aftur í veljaratølunum. Seinasta veljarakanningin hjá Megafon vísti, at SF einans hevði fingið 5,8 prosent av atkvøðunum, var val nú. </div><div><br></div><div><b>Heldur fram sum uttanríkisráðharri</b></div><div><br></div><div>Villy Søvndal vísir ikki sjálvur á sín eftirmann. Men politiski redaktørurin hjá Politiken, Mette Østergaard, heldur, at mest uppløgdu formansevnini eru heilsumálaráðharrin, Astrid Krag, umhvørvismálaráðharrin, Ida Auken, ella politiski framsøgumaðurin í SF, Jesper Petersen. </div><div><br></div><div>Villy Søvndal heldur fram sum uttanríkisráðharri, og hann kemur á Føroya-vitjan í næstu viku. </div>
