Minni kommunuskattur í Eysturoynni í august

August mánaður royndist verri, men fyrstu átta mánaðirnar er meiri komið í kommunukassarnar í Eysturoynni enn í fjør

Skattainntøkan í Sjóvar kommunu higartil í ár hevur verið seks prosent størri enn somu tíð í fjør.

06.09.2012 - 15:52

<div>Skattainntøkurnar í kommununum í Eysturoynni vóru lægri í august mánaði í ár samanborið við í fjør. Serliga í Fuglafirði var afturgongd, hon var góð 9 prosent. </div><div><br></div><div>Eisini í Nes og í Runavíkar kommunu var skattainntøkan minni í august í ár enn sama mánað í fjør. Á Eiði og í Sjóvar kommunu var hinvegin vøkstur í skattainntøkunum í august.</div><div><br></div><div>Royndist august mánaður verri, so hava kommunurnar í Eysturoynni fyrstu átta mánaðirnar í ár havt størri skattainntøku samanborið við sama tíðarskeið í fjør. Størsti vøksturin er í Sjóvar kommunu, har vaks skattainntøkan við góðum seks prosentum. </div><div><br></div>