Heimsins leiðarar bíða ikki eftir fínteljingini: Tillukku, Trump

Franski Emmanuel Macron, bretski Keir Starmer, ukrainski Volodymyr Zelenskyj og danska Mette Frederiksen. 

Hetta eru nakrir av heimsins stjórnarleiðarum, ið longu hava ynskt Donald Trump tillukku við sigrinum í amerikanska forsetavalinum. 

Enn vantar tó endaliga úrslitið, men ábendingarnar eru greiðar, og leiðararnir liggja ikki á boðunum. 

Verja felags virðir

Franski forsetin, Emanuel Macron, skrivar, at hann er til reiðar at arbeiða saman við Trump, eins og hann gjørdi, tá Trump seinast var forseti. 

Nato-aðalskrivarin, Mark Rutte, hevur eisini ynskt Trump tillukku við valinum. 

"Eg vil líka ynskja Donald Trump tillukku við valinum at gerast næsti amerikanski forsetin. Hansara leiðsla verður avgerandi fyri at styrkja tey sameindu. Eg gleði meg at arbeiða saman við honum aftur."

Bretski forsetin, Keir Starmer, kallar valúrslitið søguligt og vónar at fáa gott samstarv við komandi forsetan í USA. 

"Vit eru samdir um at verja okkara felags virðir."

Donald Trump

Mynd: Ritzau / Scanpix

Zelenskyj ynskir eisini Trump tillukku

Ukrainski forsetin, Volodymyr Zelenskyj, var eisini skjótur at ynskja Donald Trump tillukku.

Í Ukraina hava tey verið eitt sindur fjálturstungin um, hvat ein sigur til Donald Trump fer at merkja fyri møguleikarnar hjá Ukraina at verja seg móti Russlandi. 

"Eg virðismeti, at Donald Trump fer heilhjartað eftir at fáa í lag frið. Eg vóni, at kunna seta ferð á hesa tilgongdina saman við honum," skrivar ukrainski leiðaranum. 

Congratulations to @realDonaldTrump on his impressive election victory!

I recall our great meeting with President Trump back in September, when we discussed in detail the Ukraine-U.S. strategic partnership, the Victory Plan, and ways to put an end to Russian aggression against…

— Volodymyr Zelenskyy / Володимир Зеленський (@ZelenskyyUa) November 6, 2024

Mette vil halda fast í tætta samstarvinum við Donald

Og danski forsætismálaráðharrin, Mette Frederiksen, hevur eisini ynskt Trump tillukku. 

"Tillukku, Donald Trump. USA er okkara týdningarmesti samstarvsfelagi. Vit skulu halda fast við tætta samstarvið millum USA og Danmark og halda á at styrkja bondini tvørtur um Atlantshavið, sum hava verið í fleiri ættarlið."
 

Statement from Prime Minister Mette Frederiksen on the results of the U.S. elections pic.twitter.com/rrtL4Bu6A4

— Statsministeriet (@Statsmin) November 6, 2024