Kalsoyggin í streymloysi

Tíðliga seinnapartin boðaði SEV frá, at streymurin var farin, bæði í Kalsoynni og Kunoynni. Tað gekk rímuliga skjótt at fáa streym aftur til Kunoynna, meðan Kalsoyggin enn er í streymloysi. 

Mest sannlíkt er talan um eitt brek á kaðallinjuni til Kalsoynna, upplýsir SEV, sum hevur fólk til arbeiðis fyri at finna og umvæla brekið. Enn er óvist, nær fólk í Kalsoynni fáa streymin aftur, men væntandi verður tað innan tveir tímar, upplýsir SEV.