Tilfeingisgjøld og landing uttanlands

Tá freistin at stilla upp var farin á middegi, var eingin, sum bjóðaði sitandi formanni av. Og tí verður tað eisini Jan Højgaard, sum stendur á odda fyri Fiskimannafelagnum næstu trý árini.

Hann heldur, at tað fæst ov lítið fyri fiskin, tí hann ov í ov stóran mun SKAL landast í Føroyum, sigur Jan Højgaard:

Úr sjónarhorninum hjá fiskimannafelagsformanninum eru tilfeingisgjøldini ein órímiligur eykaskattur á fiskimannin. Og avmarkingin at landa uttanlands - sum er sett í gildi fyri at skapa arbeiði á landi í Føroyum - gongur útyvir avreiðingarprísin, og harvið hýruna hjá fiskimanninum:

Einki stríðsval

Av teimum 800 til 850 limunum í Fiskimannafelagnum er umleið tíggjundi hvør útlendingur.

Jan Højgaard tók við sum formaður í Fiskimannafelagnum í 2007. Tað var eftir stríðsval við Óla Jacobsen, sum tá hevði sitið sum formaður í 36 ár. 

Hesaferð bjóðar eingin Jan Højgaard av - tí bleiv einki stríðsval um formanssessin.