Eru farnir sektartúr til Barcelona

Tað var ein nærum fullsettur tjóðarleikvøllur í Norra, Ullevaal, tá Jóannes Bjartalíð og Brandur Hendriksson Olsen vunnu steypakappingina hjá monnum leygarkvøldið, tá Fredrikstad og Molde hittust í finaluni.

Tað skuldi brotssparkskapping til at finna norska steypavinnaran anno 2024, og bæði Jóannes Bjartalíð og Brandur Hendriksson Olsen skoraðu báðir í brotssparkskappingini, sum skuldi til, eftir 120 málleysar minuttir í Oslo.

Fredrikstad tryggjaði sær sín tólvta steypasigur hjá felagnum, og komandi kappingarár skal liðið hjá Jóannes Bjartalíð út í Evropa at spæla.

Kringvarpið fekk orðið á Jóannes Bjartalíð, sum var staddur í Barcelona, nú Fredrikstad-liðið er farið sektartúr í spanska stórbýnum. Gjøgnum árið hevur spælarahópurin goldið ymsar bøtur, og túrurin til Barcelona var bílagdur áðrenn steypafinaluna, so tá veitslan endaði klokkan 03 í nátt, so fór Fredrikstad-hópurin avstað við bussi til flogvøllin klokkan 04.