Forsetin møtti ikki

Ákæruvaldið í Suðurkorea er farið undir at kanna alla tilgongdina, nú Yoon Suk Yeol, forseti, er skuldsettur fyri valdsmisnýtslu.

Fyrst í desember elvdi hann til politiskan ruðuleika við at lýsa undantaksstøðu í landinum, og í dag møtti ikki til avhoyringina, ákæruvaldið í Suðurkorea annars hevði kallað hann inn til.

Í gjár samtykti suðurkoreanska tjóðartingið at ákæra Yoon Suk Yeol fyri at lýsa undantaksstøðu í landinum, og tí fyribils loysa hann úr starvi, meðan kanningarnar fara fram.

Hetta er tó treytað av, at ákærumálið verður góðkent av grundlógardómstólinum í Suðurkorea. Øll tilgongdin, sum skal fáa greiðu á politisku støðuna í Suðurkorea, fer væntandi at taka fleiri mánaðir.

Sambært tíðindastovuni Yonhap fer ákæruvaldið nú at senda forsetanum eina nýggja innkalling til avhoyringar.