Skúladagurin skal styttast

Átta broytingar eru í uppskotinum hjá Djóna Nolsøe Joensen, landsstýrismanni, um at broyta fólkaskúlalógina.

Eitt uppskot er at stytta skúladagin.

Skúlarnir skulu fáa størri frælsi at skipa skúladagin, lærugreinabýtið skal endurskoðast og javnvág skal vera millum hugvísindi, náttúruvísindi og skapandi læru.

Lógin skal kveikja skapandi og verkliga lærihugin hjá børnunum, raðfesta flokslæraralutin, styrkja tvílæraraskipanina í grunddeild og minka næmingatalið í hvørjum flokki.

Løgtingið hevur longu samtykt, at hægsta næmingatal er 22. 

Skúladagurin skal styttast.

Í grunddeildini og í miðdeildini vera sjey færri tímar um vikuna.

Í hádeildini vera 14 tímar færri, tá vallærugreinarnar alis og evnafrøði og týskt eru taldar við.