Nýggjur Havnarbátur: Stevna ímóti føroyameistaraheitinum

Havnarbáturin skal aftur til heiðurs og æru. 

Um mánaðarskiftið verður nýggja tíggjumannafarið hjá Havnar Róðrarfelag flotað, og stendur tað til manningina, skal tað bjóða av um føroyameistaraheitið beinanvegin.

 - Vit hava tikið hetta stigið, tí í fjør róðu vit við Tórsbátinum, og har eydnaðist at vinna allar róðrarnar ímóti hinum áttamannaførunum, sigur bátsformaðurin, Kristian Linklett.

 - Av tí sama ætla vit at kappast ímóti hinum tíggjumannaførunum í ár og royna at geva teimum kapping og møguliga ein nýggjan vinnara.

SÍ EISINI: Smíða nýggjan Havnarbát

Havnarbáturin hevur ikki vunnið FM-heitið síðan 2008, og tí hungra fólk í felagnum og viðhaldsfólk eftir nýggjari stórheitstíð. 

 - Tað hevur nógv at siga fyri Havnar Róðrarfelag, tí tað er hitt mest vinnandi tíggjumannafarið í Føroyum, og teir hava verið ólukksáligani góðir fyrr, og nógv vilja síggja hann frammi í oddanum aftur, sigur Kristian Linklett.

 - Og tað vilja vit geva fólkinum.

SÍ EISINI: Sending, sum Suni Merkistein legði til rættis, um Havnarbátin í sjeytiárunum