Brynja seg út til arbeiðssteðg

Týsdagin hittast Heilsuhjálparafelagið og Kommunala Arbeiðsgevarafelagið á Hotel Føroyum til enn eina semingsroynd, har tað má røkka ella støkka.

Arbeiðssteðgur skal fráboðast við 48 tíma freist, sum so aftur hjá Heilsuhjálparafelagnum skal góðkennast á limafundi, ið skal lýsast við 48 tíma freist.

- Men við at hava limafund, samstundis sum aðalfundur var leygardagin, slapp felagið undan hesi 48 tíma seinkingini, sigur forkvinnan í Heilsuhjálparafelag Føroya, Mary Antonsdóttir.

Semingsroyndin týsdagin verður avgerandi fyri, um tað endar við einum arbeiðssteðgi ella ikki, men Mary Antonsdóttir ásannar, at hon ikki hevur alt ov stórar vónir um eitt brúkiligt úrslit, tí so langt var millum partarnar seinast.

Her kanst tú hoyra samrøðu við Mary Antonsdóttir: