Hestur hevur nú fingið sína nevnd

Hestur hevur nú fingið sína staðbundnu nevnd.

Hana valdi Tórshavnar býráð í gjár.

Í nevndini eru Arna Svanhilda Silvurstein, Frida Súsanna Lenvig og Kári Niclasen.

Tey vóru eisini í nevndini, sum var vald í 2020.

Haraftrat eru Kári Johansen, býráðslimur, og Elsa Berg, borgarstjóri, í nevndini. Hon er forkvinna.

Eingin nevnd var vald á kommunuvalinum 12. november í fjør, tí eingin bjóðaði seg fram.

Býráðið kundi velja nevndina sambært kommunustýrislógini.

Staðbundna nevndin í Hesti umfatar eisini Koltur.