Skoraberg leysur og á veg til Klaksvíkar

Fyri løtu síðani eydnaðist vaktarskipinum Brimli at toga Skoraberg leysan, og skipið er nú á veg til Klaksvíkar.

Skoraberg fór á land miðskeiðis millum Galvin og vitan á Syðradali á Kalsoynni í nátt, tá skipið var á veg av fiskileið til Klaksvíkar við 75 tonsum av upsa.

Tá tað fór at fløða fyrrapartin, gjørdi Rescue Ziska eina roynd at toga Skoraberg leysan, men tað miseydnaðist.

Síðani setti Brimil enda á, og tá bar til.