Skoraberg á sleipistøð í Havn

Skoraberg, sum fríggjanáttina sigldi á land í Kalsoynni, stendur nú á vogninum á skipasmiðjuni í Havn.

Sýn var av skipinum fyrrapartin leygardagin, og niðurstøðan er, at hol er komið í botnin inn í nakrar tangar. Eingin leki er inn í lastina ella aðrastaðni.

Sambært Hanusi Hansen, reiðara, vænta tey, at tað fer at taka einar tvær vikur at umvæla skipið.