15 ára gamal svii handtikin í Sydney

Handtøkan fór fram í síðstu viku, upplýsir danska ríkisdeildin fyri álvarslig brotsverk NSK. NSK kannar málið saman við avstralsku og svensku løgregluni. 

15 ára gamli var varðhaldsfongslaður í síðstu viku. Hann er undir illgruna fyri at vera partur av einum kriminellum netverki, sum hevur roynt at fingið fólk at fremja álvarslig brotsverk.

- Saman við avstralsku løgregluni hava vit gjørt átak móti einum skipaðum kriminellum netverki úr Norðurlondum. Vit hava sostatt steðgað einum 15 ára gomlum drongi, sum vit hava illgruna um, hevði til uppgávu at rekruttera fólk til at fremja bíløgd dráp í Danmark og Svøríki sum liður í áhaldandi stríðnum millum kriminell brotsmannalið í Norðurøkinum, sigur varaløgregluovastin Lars Feldt-Rasmussen.

Løgreglan leitar eftir fólki, sum hon heldur hava stýrt virkseminum hjá 15 ára gamla svenska ríkisborgaranum.