Avvarðandi hjá fólki við demensi fjala sjúkueyðkenni

Í nýggju ph.d ritgerðini um umsorganarhættir innan demensøkið, vísir Barbara Egilstrøð, granskari í heilsuvísindum, á, at har eru ótilætlaðar fylgir fyri umsorganarpersónar hjá heimabúgvandi borgarum við demensi.

- Avvarandi hjá fólki við demensi, ofta hjúnafelagin, byrjar at hjálpa, soleiðis at tann við demensi allatíð sýnist so væl og vanligt sum gjørligt, sigur Barbara Egilstrøð.

Hesin umsorganarhátturin verður róptur "maskering", og snýr seg um at bæði sjúk og avvarandi, fjala sjúkueyðkenni fyri umheiminum, fyri at varðveita ein vanligan gerandisdag.

-  Tá man maskerar, er man við til at fjala álvarsemi av sjúkuni. Tað ger tað torført at spyrja um hjálp, og hjá øðrum at síggja, at har er tørvur á hjálp.

Barbara Egilstrøð mælir til, at heilsustarvsfólk í størri mun eisini taka fyrilit fyri avvarandi í lívinum við demensi.

Hoyr innslag í tíðindunum: