Kringvarpið sendir frá landsinnsavning hjá MEGD sunnukvøldið 25. mai

Sunnukvøldið 25. mai 2025 klokkan 19-21 skipar MEGD vegna síni 24 limafeløg hjá fólki, ið bera brek og hava varandi sjúku, fyri landsinnsavning, sum verður send beinleiðis í sjónvarpinum, bæði í Kringvarpinum og á Rás1 hjá Televarpinum.

Tiltakið verður hildið í stórhøllini við Tjarnir, og á skránni verður tónleikur, samrøður og innsløg um m.a. livikor hjá fólki, ið bera brek og varandi sjúku, og sjálvbodna arbeiðið hjá feløgunum.

Vertir vera Óluva Zachariassen og Kári Sólstein, og sendingin verður bæði teknmálstulkað og tekstað.

Les meira um tiltakið her.

Varpa ljós á varandi sjúkur og brek 

Í sambandi við landsinnsavningina sendir Kringvarpið komandi tíðina sendingar úr savninum, ið á onkran hátt snúgva seg um limir ella limafeløg hjá MEGD. 

Fríggjakvøldið 16. mai er eitt nú sendingin "Vit eru enn til" frá 2017, sum snýr seg um fólk við Alzheimers, á skránni, og sunnukvøldið senda vit "Tóri – eitt lív á eggini" um Tóra, ið fekk eina harða byrjan upp á lívið og hevði sálarligar trupulleikar longu sum barn. 

Sí alla sjónvarpsskránna her.