Fimleikur: Nøgdar við kappingina

Rósan ger sonevnda fría íðkan ella short program, og tær fingu sítt besta úrslit hetta kappingarárið, tá FM-finalan var sunnudagin. Kvinnurnar úr Støkk fingu 16,77 stig frá dómarunum, eftir at hava fingið 16,67 í undankappingini leygardagin.

Unglingarnir Ara úr Ljósinum vóru eisini á gólvinum fyri seinastu ferð hetta fimleikaárið. Tær fingu 18,23 í finaluni og 18,55 í undankappingini dagin fyri.

Felags fyri hesi bæði liðini er, at tær hava ongan havt at kappast ímóti í vetur. Tað er ikki optimalt, eru liðini samd um, og tey vóna, at tað broytist næsta ár. Kortini eru tey væl nøgd við kappingarárið og siga seg hava lært nógv.