Støðið er munandi hægri, sigur Ella Nysted, ið gongur á altjóða skúla

Støðið er munandi hægri, sigur Ella Nysted, ið gongur á altjóða skúla
Hetta krevur sjálvdisiplin, samstundis sum tú fakliga og persónliga fært munandi meiri burturúr, enn um tú hevði gingið á einum føroyskum miðnámsskúla
 
22.05.2025 - 11:57

United World Collage - stytt UWC, hevur 18 skúlar kring knøttin, har av ein teirra er í Noreg. Talan er um UWC Red Cross Nordic, ið varð stovnaður í 1995.
Á skúlanum ganga 205 næmingar, ið eru millum 16 og 20 ár, og teir eru úr 40 londum - og málið, ið tosað og undirvíst verður í á skúlanum, er enskt.

Ein av næmingunum er Ella Nysted úr Sørvági, ið sigur okkum hví hon valdi ein altjóða miðnámsskúla heldur enn ein føroyskan. Hon sigur okkum eisini, at støðið á hesum skúlanum, samanborið við ein føroyskan miðnámsskúla, er munandi hægri, og at ein skúli sum hesin eisini krevur stóra sjálvdisiplin.

Hetta er stuttligt og spennandi, sigur Ella, sum tó vísur á, at hon - tá hon kom á skúlan á fyrsta sinni, var bangin fyri at siga okkurt skeivt. Men tað vóru allir hinir næmingarnir eisini.

Ella Nysted sigur, at hetta hevur eisini broytt hennara heimsfatan, soleiðis at hon í dag hevur størri forstáilsi og virðing fyri øðrum mentanum.

Ella Nysted fær húgvuna á høvdið seinast í hesari vikuni.

Tú kanst hoyra samrøðuna við Ellu Nysted her!
 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Týsdag 15. juli
Morgunlestur týsdagur 15.juli 2025
194086
Mánadag 14. juli
Poppverturin
194204
Nýggjastu sendingar í SV
Týsdag 15. juli
Veðrið
194514
Mánadag 14. juli
Seinasti vitameistarin
194455
Sunnudag 13. juli
Kappróður á fjarðastevnu
194401

Meira um sama evni